სტუდიაში მოქმედი წესები და გამოყენების პირობები

დრო

• სტუდიის ქირავნობის მინიმალური დრო ერთი საათია. ნებისმიერი დამატებითი დრო ასევე საათობრივად დაითვლება. 15 და 30 წუთიანი სესიები არ გვაქვს.
• სესიის დრო იწყება და მთავრდება თანახმად ჯავშანით მითითებული პირობისა მიუხედავად იმისა თუ რა დრო დასჭირდება უშუალოდ გადაღების პროცესს.
• სტუდიაში არის ორი სამაკიაჟო ოთახი. თუ გჭირდებათ მეიქაფის წინასწარი გაკეთება, შეგიძლიათ გადაღებამდე ერთი საათით ადრე ერთ-ერთი ოთახი უფასოდ გამოიყენოთ — წინასწარ გაგვაფრთხილეთ დაჯავშნისას.

ფეხსაცმელი

• ციკლორამაზე და ფონებზე გადასაღებად მოდელების ფეხსაცმლის ძირებზე სამალიარო სკოჩი უნდა გავაკრათ. ფეხსაცმელი სტუდიაში მოიტანეთ ისე რომ ქუჩაში არ ატარონ. გამონაკლისია სპორტული ფეხსაცმელი თეთრი ძირებით.
• ჩვენ ვიყენებთ სამალიარო სკოჩს, რომელიც ადვილად შორდება ძირებიდან და კვალს არ ტოვებს.
• სტუდიაში ყველა, მოდელების გარდა, ატარებენ ბაჰილებს ან ჩუსტებს.

დეპოზიტი

• მხოლოდ ფიზიკური პირებისთვის. იურიდიული პირები იხდიან ინვოისის მიხედვით.
• გადაღებამდე არანაკლებ ორი დღით ადრე, დამკვეთმა უნდა შეიტანოს დეპოზიტი სრული საფასურის 25% ოდენობით ქვემოდ მითითებული რომელიმე ანგარიშზე.
• დეპოზიტის შეტანის შემდეგ ჩვენ ვადასტურებთ ჯავშანს. თუ გადაღებამდე 48 საათით ადრე დეპოზიტი ჩარიცხული არ არის, ჯავშანი უქმდება ავტომატურად. მანამდე დამკვეთს შეუძლია უფასოდ გააუქმოს ჯავშანი.

ჯავშანი

• სესიის დასაჯავშნად მოგვწერეთ ინსტაგრამში @geodaylight — ადმინისტრატორი დაგეხმარებათ თავისუფალი დროის პოვნაში და დაადასტურებს ჯავშანს. ჯავშანი დადასტურებულად ითვლება მხოლოდ სარეზერვო ნომრის შემცველი სქრინის მიღების შემდეგ.

შეზღუდვები

• აკრძალულია ტორტების, ნამცხვრების, ბრჯყვიალების, ცეცხლის (სანთლები და ბენგალური ცეცხლი), საღებავის, ბუმბულის, კონფეტის, ავტოგარუჟვის კრემის და სხვა მღებავი, ტოქსიკური ნივთიერებების გამოყენება.
• აკრძალულია ციკლორამაზე და ფონებზე ცქრიალა ღვინოების (შამპანურის) გახსნა.
• აკრძალულია ნებისმიერი შინაური თუ გარეული ცხოველების გადაღება სტუდიაში. გამონაკლისს წარმოადგენენ არა შხამიანი გველები (მხოლოდ სტუდიასთან წინასწარი შეთანხმების საფუძველზე).

კლიენტის პასუხისმგებლობა

• სტუდიის დაქირავებისას დამკვეთი თანხმდება აანაზღაუროს დაზიანებულ დანადგართა და/თუ სტუდიის სამუშაო სივრცის შეკეთების სრული საფასური გადაღების პროცესში ნებისმიერი პირის მიერ ზიანის მიყენების შემთხვევაში.

დანადგარები

• ნებისმიერი დამატებითი აღჭურვილობა, რომელსაც სთხოვთ სტუდიის ადმინისტრატორს, გადაღების დასრულებისთანავე უნდა დაუბრუნოთ ადმინისტრატორს.

ციკლორამა

• ციკლორამაზე ყოფნა დაშვებულია მხოლოდ შიშველი ფეხით, სტუდიური ჩუსტებით, ბახილებით, ან ძირებზე სკოჩ-გაკრული ფეხსაცმელით.
• ციკლორამის გრადიენტზე (ამობურცულ ნაწილზე) ფეხით დგომა აკრძალულია. ჩატეხილი ციკლორამის აღდგენის საფასური ხუთი ათასი (5000) ლარია.